जळगाव, धुळे, नाशिक, छत्रपती संभाजीनगर जिल्ह्यात आज हलक्या पावसाचा अंदाज

Weather Update : उत्तर महाराष्ट्रातील धुळे, जळगाव, नाशिक, अहमदनगर तसेच मराठवाड्यातील छत्रपती संभाजीनगर जिल्ह्यातील काही भागात आज शुक्रवारी (ता. 01) विजांच्या कडकडाटासह हलक्या पावसाचा अंदाज हवामान विभागाने व्यक्त केला आहे. काही ठिकाणी पावसाचा येलो अलर्ट देखील देण्यात आला आहे. रब्बी पिकांच्या काढणीसाठी धावपळ करणारे शेतकरी त्यामुळे चांगलेच धास्तावले आहेत.

शुक्रवारी (ता. 01 मार्च) सकाळी साडेआठपर्यंतच्या 24 तासातील कमाल व किमान तापमान (अंश सेल्सिअसमध्ये)
जळगाव- 37.2/18.1, अहमदनगर- 36.0/17.8, कोल्हापूर- 35.1/21.7, महाबळेश्वर- 29.3/19.0, मालेगाव- 38.2/22.4, नाशिक- 36.4/19.4, सांगली- 35.7/21.7, सातारा- 36.3/21.2, सोलापूर- 37.8/24.4, छत्रपती संभाजीनगर- 34.8/18.2, नांदेड- 35.6/21.8, परभणी- 37.0/20.1, डहाणू- 32.7/21.6, मुंबई- 35.2/22.0, रत्नागिरी- 38.0/23.2