उज्ज्वल निकम राहणार नाहीत आता कोणत्याच खटल्यात विशेष सरकारी वकील | Ujjwal Nikam

Jalgaon Today : काही महत्वपूर्ण खटल्यात विशेष सरकारी वकील असलेले उज्ज्वल निकम (Ujjwal Nikam) यांनी उत्तर मध्य मुंबई मतदारसंघासाठी उमेदवारी अर्ज दाखल करण्यापूर्वी त्यांच्या सर्व खटल्यांचा राजीनामा सादर केला आहे. सध्या ते 1993 मधील बॉम्बस्फोट खटला तसेच 26/11 चा दहशतवादी हल्ला आणि औरंगाबाद शस्त्रसाठा प्रकरणाशी संबंधित खटले हाताळत होते. पण गरज पडल्यास ते विशेष सरकारी वकील म्हणून ही प्रकरणे परत घेतील, असे त्यांचे म्हणणे आहे.

उत्तर मध्य मुंबई मतदारसंघासाठी उज्ज्वल निकम यांनी आज शुक्रवारी उमेदवारी अर्ज दाखल केला. यावेळी आशिष शेलार, उपमुख्यमंत्री देवेंद्र फडणवीस हे देखील उपस्थित होते. “माझ्या खटल्यांमध्ये मी यापुढे फिर्यादी होऊ शकत नाही, परंतु गरज पडल्यास त्याबाबत सरकारला विनंती करेन. माझ्या आयुष्यातील हा एक महत्त्वाचा टप्पा आहे. सामान्य जनतेसाठी पंतप्रधान नरेंद्र मोदींनी खूप काम केले आहे. त्यांनी जगभरात देशाची प्रतिष्ठा वाढवली आहे आणि त्यांना त्यांच्या व्हिजनमध्ये मला योगदान द्यायचे आहे. आमच्या राष्ट्राला कोणीही कमी लेखू शकत नाही. मी कोणत्याही फायद्यासाठी राजकारणात नाही, मी कधीही आरोपींच्या बाजूने लढलो नाही त्यावर शिक्का मारला आहे,” असेही उज्ज्वल निकम यांनी प्रसार माध्यमांसमोर बोलताना नमूद केले.