लोकसभा निवडणूक … ठाकरे आणि फडणवीस दोन कट्टर विरोधक आज जळगाव जिल्ह्यात

Jalgaon Today : लोकसभा निवडणूक रणधुमाळीत प्रचार ज्वर शिगेला पोहोचलेला असताना, महाविकास आघाडी आणि महायुती यांच्यातर्फे आज मंगळवारी (ता.07) राजकारणातील दोन कट्टर विरोधक असलेले उद्धव ठाकरे आणि देवेंद्र फडणवीस यांच्या जाहीर सभा जळगाव जिल्ह्यात आयोजित करण्यात आल्या आहेत. पैकी ठाकरेंची सभा जळगावात तर फडणवीसांची सभा भुसावळमध्ये होणार आहे. दोन्ही नेते एकमेकांबद्दल काय बोलतात, त्याकडे सर्वांचेच लक्ष लागले आहे.

प्राप्त माहितीनुसार, जळगाव लोकसभा मतदारसंघातील महाविकास आघाडीचे उमेदवार करण बाळासाहेब पाटील-पवार यांच्या प्रचारार्थ शिवसेना उबाठाचे पक्ष प्रमुख उद्धव ठाकरे (Uddhav Thackeray) यांची जाहीर सभा मंगळवारी (ता.07) सायंकाळी सहा वाजता जळगाव शहरातील शिवतीर्थ मैदानावर होणार आहे. तर दुसरीकडे रावेर लोकसभा मतदारसंघातील महायुतीच्या उमेदवार श्रीमती रक्षा खडसे यांच्या प्रचारार्थ उपमुख्यमंत्री देवेंद्र फडणवीस यांची जाहीर सभा भुसावळ शहरात सायंकाळी सहा वाजता होणार आहे. निवडणुकीच्या निमित्ताने सगळीकडे आरोप-प्रत्यारोपांच्या फैरी झडत असताना ठाकरे आणि फडणवीस हे एकमेकांबद्दल काय बोलतात, त्याविषयी मोठी उत्कंठा आहे.

Thackeray and Fadnavis two staunch opponents in Jalgaon district today