Sharadchandra Pawar NCP : शरदचंद्र पवार राष्ट्रवादी काँग्रेसकडून जळगाव तालुक्यातील विविध पदाधिकाऱ्यांची नियुक्ती…!
Sharadchandra Pawar NCP : शरदचंद्र पवार राष्ट्रवादी काँग्रेस पक्षाकडून जळगाव तालुक्यातील विविध पदाधिकाऱ्यांची नुकतीच नियुक्ती करण्यात आली. पक्षाचे नेते व जळगावचे माजी पालकमंत्री गुलाबराव देवकर यांनी सर्व नवनियुक्त पदाधिकाऱ्यांचे स्वागत करून त्यांना नियुक्ती पत्रे प्रदान केली.
Sharadchandra Pawar NCP appoints various office bearers in Jalgaon Taluka…!
ओबीसी विभागाच्या जळगाव तालुकाध्यक्ष पदावर असोदा येथील सचिन मधुकर माळी यांची तसेच युवक राष्ट्रवादीच्या जिल्हा सरचिटणीस पदावर सागर रवींद्र पाटील यांची निवड झाली. याशिवाय आव्हाने येथील नामदेव पाटील यांची शरदचंद्र पवार राष्ट्रवादी काँग्रेस पक्षाच्या जळगाव तालुका उपाध्यक्ष पदावर निवड झाली.
माजी पालकमंत्री गुलाबराव देवकर यांनी तिन्ही पदाधिकाऱ्यांना नियुक्ती पत्रे प्रदान करून त्यांना पुढील वाटचालीच्या शुभेच्छा दिल्या. यावेळी राष्ट्रवादीचे युवक जिल्हाध्यक्ष उमेश पाटील, पक्षाचे जळगाव तालुकाध्यक्ष बापू परदेशी, कृषी उत्पन्न बाजार समितीचे संचालक योगराज सपकाळे, डॉ.अरुण पाटील, तालुका उपाध्यक्ष रमेश भाई, भोकरचे माजी सरपंच पुंडलिक महाराज, युवक जिल्हा सरचिटणीस भूषण पाटील, किसान सेलचे तालुकाध्यक्ष रवी सर, असोदा ग्रामपंचायतीचे सदस्य हेमंत पाटील, विजय भोळे तसेच शिवाजी पाटील, बंटी बारी, युग पाटील, सागर पाटील, डिगंबर माळी, एस.पी.पाटील, राजू महाजन, प्रकाश महाजन, महारु कोळी, इकबाल पिंजारी, सागर चव्हाण, प्रमोद सोनवणे, जितेंद्र माळी, डॉ. कदम व कार्यकर्ते उपस्थित होते.
