प्रधानमंत्री मोदी आज आणि उद्या केरळ, तामिळनाडू आणि महाराष्ट्राच्या दौऱ्यावर

Narendra Modi : प्रधानमंत्री नरेंद्र मोदी आज आणि उद्या केरळ, तामिळनाडू, महाराष्ट्राच्या दौऱ्यावर आहेत. या दौऱ्यात महाराष्ट्रातील यवतमाळ इथे होणाऱ्या एका सार्वजनिक कार्यक्रमात प्रधानमंत्री नरेंद्र मोदी सहभागी होणार असून, त्यांच्या हस्ते सुमारे 4900 कोटी रुपयांपेक्षा जास्त किमतीच्या प्रकल्पांचे उद्घाटन आणि लोकार्पण होईल.

मराठवाडा आणि विदर्भातील अनेक सिंचन प्रकल्पांचे लोकार्पणही प्रधानमंत्री नरेंद्र मोदी करतील. या दौऱ्यात राज्यातील 13 हजार कोटी रुपयांहून अधिक खर्चांच्या अनेक रेल्वे प्रकल्पांचे उद्घाटन सुद्धा करण्यात येणार आहे. प्रधानमंत्री राज्यातील रस्ते क्षेत्राला बळकटी देणाऱ्या अनेक प्रकल्पांचे लोकार्पण करतील. यवतमाळ शहरात पंडित दीनदयाळ उपाध्याय यांच्या पुतळ्याचे अनावरणही ते करतील, अशी माहिती सूत्रांकडून मिळाली आहे.