खडकीसीम येथील शरद पवार राष्ट्रवादी काँग्रेसच्या पदाधिकारी व कार्यकर्त्यांचा भाजपात जाहीर प्रवेश

Mangesh Chavan : वरखेडे लोंढे धरणाचे शिल्पकार, चाळीसगाव तालुक्यात विकासगंगा आणण्यासाठी विशेष सहकार्य करणारे भाजप नेते गिरीश महाजन यांच्या नेतृत्वावर विश्वास ठेवून खडकीसीम येथील शरद पवार राष्ट्रवादी काँग्रेस पक्षाचे सरपंच, पदाधिकारी व कार्यकर्ते यांनी आमदार मंगेश चव्हाण यांच्या उपस्थितीत बुधवारी (ता.10) भाजपामध्ये जाहीर प्रवेश केला.

भाजपामध्ये प्रवेश करणारे खडकीसीम गावाचे सरपंच दिनेश अहिरे, नितीन पाटील, लोटन पाटील, भाऊसाहेब पाटील, बापूराव जठार, वसंतराव जाधव, मधुकर गोसावी, दत्तात्रय पाटील, सुभाष चव्हाण, भैय्या बागुल आदी पदाधिकारी व कार्यकर्ते यांचे स्वागत आमदार मंगेश चव्हाण यांनी पक्षाच्या वतीने केले. यावेळी भाजपा तालुकाध्यक्ष प्रा.सुनील निकम, सुनील पवार, आनंद खरात, अमोल चव्हाण, भूषण पाटील आदींसह पदाधिकारी व कार्यकर्ते मोठ्या संख्येने उपस्थित होते.