जळगाव जिल्हा सैनिक कल्याण कार्यालयातील रिक्तपदे भरण्यात येणार, अर्ज करण्याचे आवाहन

जळगाव टुडे । जिल्हा सैनिक कल्याण कार्यालय, जळगाव यांच्या अधिपत्याखाली कार्यरत असलेल्या सैनिकी मुलांचे/मुलींचे वसतिगृह व माजी सैनिक बहुउद्देशिय सभागृह जळगाव तसेच माजी सैनिक बहुउद्देशिय सभागृह रावेर येथे निव्वळ तात्पुरत्या स्वरुपात रोजंदारी पध्दतीने रिक्त पदांची भरती करण्यात येणार आहे. त्यासाठी अर्ज करण्याचे आवाहन केले आहे. (Job Opportunity )

सभागृह व्यवस्थापक-०२, वसतिगृह अधिक्षक-०१, वसतिगृह अधिक्षीका-०१, पहारेकरी कम एमटीएस -०४, सफाई कर्मचारी -०२ आणि स्वयंपाकी-०४ ही पदे माजी सैनिक संवर्गातून भरावयाची आहेत. माजी सैनिक प्रवर्गातील उमेदवार उपलब्ध न झाल्यास नागरी उमेदवारांचा विचार करण्यात येईल. तरी इच्छुक उमेदवारांनी आपले अर्ज अन्य आवश्यक कागदपत्रांसह दिनांक ०५ जून २०२४ पर्यंत जिल्हा सैनिक कल्याण कार्यालय, जळगाव येथे सादर करावेत. निवड करण्याचे किंवा एखादा अर्ज कोणतेही कारण न देता निकाली काढण्याचे सर्व अधिकार निवासी उपजिल्हाधिकारी तथा जिल्हा सैनिक कल्याण अधिकारी, जळगाव यांनी राखून ठेवले आहेत. अधिक माहितीसाठी ०२५७- २२४१४१४ या दुरध्वनीवर संपर्क साधावा.