Eknath Khadse : ‘किती वेळा नवरे बदलले तू आणि कुणाला बोलतो ?’, एकनाथ खडसे नेमके कोणाबद्दल बोलले..?
Eknath Khadse : आमदार एकनाथ खडसेंनी भाजपमधील प्रवेश लांबणीवर पडल्यानंतर दोन-तीन दिवसांपूर्वी आपण पुन्हा शरदचंद्र पवार राष्ट्रवादी काँग्रेस पक्षात सक्रीय होऊ शकतो, असे संकेत दिले होते. त्यांच्या त्या वक्तव्यावर बोलताना मुक्ताईनगरचे आमदार चंद्रकांत पाटील यांनी खडसे हे रंग बदलणारे प्राणी असल्याची टीका देखील केली होती. दरम्यान, एकनाथ खडसे यांनीही ‘किती वेळा नवरे बदलले तू आणि कुणाला बोलतो ?’, असे बोलून आमदार पाटील यांच्या त्या टीकेला जोरदार प्रत्युत्तर आता दिले आहे.
Eknath Khadse: ‘How many times have you changed husbands and who do you talk about?’, Eknath Khadse said about whom exactly..?
एकनाथ खडसे आणि चंद्रकांत पाटील यांच्यातील राजकीय संघर्ष सर्वश्रुत आहे आणि नेहमीच त्यांच्यातील वादाची चर्चा राजकीय वर्तुळात होत असते. चंद्रकांत पाटील हे देखील खडसे यांच्यावर टीका करण्याची कोणतीही संधी सोडत नाहीत. आताही खडसे आणि पाटील यांच्यात शाब्दीक चकमकी सुरू आहेत. दरम्यान, मुक्ताईनगरचे आमदार चंद्रकांत पाटील यांनी केलेल्या टीकेला प्रत्युत्तर देताना एकनाथ खडसे यांनी पाटील यांच्या राजकीय भूमिकांवर प्रश्नचिन्ह उपस्थित करत खोचक आरोप केले आहेत. खडसे म्हणाले की, “चंद्रकांत पाटील यांच्याकडे नीतीमत्ता तरी आहे का? एकेकाळी शिवसेनेचा अध्यक्ष असलेल्या पाटील यांनी अपक्ष म्हणून निवडणूक लढवली, शरद पवार यांच्या मदतीने ते निवडून आले. त्यानंतर उद्धव ठाकरे यांच्याकडे गेले आणि आता पुन्हा एकनाथ शिंदे यांच्या शिवसेनेत दाखल झाले आहेत. त्यामुळे सरड्यासारखे रंग तुम्ही बदलता का मी बदलतो?”, असा सवाल एकनाथ खडसे यांनी आमदार चंद्रकांत पाटील यांना केला आहे.
एकनाथ खडसेंनी आमदार मंगेश चव्हाणांना म्हटले भंगार विकणारा….
दरम्यान, माजी खासदार उन्मेष पाटील यांनी दूध संघावर केलेल्या आरोपानंतर एकनाथ खडसे यांनीही आमदार मंगेश चव्हाण यांच्यावर जोरदार टीका केली. खडसे जिल्हा दूध संघाच्या कारभारावर टीका करताना म्हणाले की, “जर जळगाव दूध संघ फायद्यात आहे, तर शेतकऱ्यांना दुधाचा दर का वाढवून दिला जात नाही? दूध संघातील अनेक घोटाळ्यांची चौकशी का केली जात नाही? मी लक्ष्मीपुत्र होतो, माझे पूर्वज सुद्धा श्रीमंत होते. मी आमदार चव्हाण यांच्यासारखा भंगार विकणारा नव्हतो,” अशा शब्दांत एकनाथ खडसे यांनी आमदार चव्हाणांच्या आरोपांना प्रत्युत्तर दिले.
