Dharangaon News : धरणगाव शहरात शिवरायांचा पुतळा कोसळल्याच्या घटनेचा शिवप्रेमींनी केला निषेध…!
Dharangaon News : धरणगाव शहरातील सर्व समाजाचे अध्यक्ष, समाज बांधव तसेच तमाम शिवप्रेमी नागरिकांनी मालवणमधील छत्रपती शिवाजी महाराजांचा पुतळा कोसळल्याच्या घटनेचा आज मंगळवारी (ता.०३) निषेध केला. याप्रसंगी तहसील कार्यालय व पोलिस ठाण्यात दोषींवर कारवाीचे निवेदन देखील सादर करण्यात आले.
Dharangaon News : Shiv lovers protested the incident of Shiva Raya’s statue falling down in Dharangaon city…!
छत्रपती शिवरायांच्या स्मारकाला सर्व शिवप्रेमींनी माल्यार्पण करत जयघोष केला. तद्नंतर सिंधुदुर्ग जिल्ह्यातील मालवणमध्ये कोट्यवधी रुपये खर्चून उभारण्यात आलेल्या शिवाजी महाराजांच्या पूर्णाकृती पुतळा कोसळल्याच्या घटनेबद्दल संताप व्यक्त केला. पोलीस निरीक्षक पवन देसले आणि नायब तहसिलदार (महसूल) संदीप मोरे यांना सर्व समाज अध्यक्षांच्या हस्ते निवेदन देण्यात आले. सर्व उपस्थित शिवप्रेमींच्या वतीने लक्ष्मण पाटील यांनी झालेल्या घटनेचा तीव्र शब्दांत निषेध व्यक्त केला. मालवण प्रकरणात जे कोणी दोषी असतील त्यांच्यावर एसआयटी चौकशी करून कठोर कार्यवाही करण्यात यावी तसेच अशा स्वरूपाची घटना कोणत्याही महापुरुषांच्या बाबतीत घडू नये याची शासनाने खबरदारी घ्यावी. धरणगाव शहरातील सर्व स्मारकांचे स्ट्रक्चरल ऑडिट करण्यात यावे तसेच शिवरायांच्या पूर्णाकृती स्मारकाच्या जागेवर माहिती दर्शविणारा फलक लावण्यात यावा. शिवस्मारकाचे काम गुणवत्तापूर्ण व्हावे, अशी मागणी पाटील यांनी सर्वांच्या वतीने केली.
याप्रसंगी माळी समाजाचे अध्यक्ष विठोबा माळी व रामकृष्ण महाजन, कुणबी समाजाचे माधवराव पाटील, आबा पाटील, तेली समाजाचे सुनील चौधरी, जैन समाजाचे राहुल जैन, श्रेयांश जैन, मराठे समाजाचे भरत मराठे, मुस्लिम समाजाचे नईम काझी, करीम मोमीन, फिरोज बेलदार, नदीम काझी, शेख इसामोद्दीन, खलील खान, नगर मोमीन, नविद काझी, कासम अहिलेकार, वसीमभैय्या कुरेशी, हसन मोमीन, भोई समाजाचे सुनील जावरे, राजपूत समाजाचे जीवनसिंह बयस, प्रा.सम्राटसिंह परिहार, का.कु.ब्राम्हण समाजाचे विजयकुमार शुक्ल, स.ब्राम्हण समाजाचे डॉ. किशोर भावे, चर्मकार समाजाचे भानुदास विसावे, सोनार समाजाचे सुनील सोनार, नाभिक समाजाचे अशोक झुंझारराव, शिंपी समाजाचे मोहन मांडगे, मेहतर समाजाचे पापा वाघरे, बौद्ध समाजाचे निलेश पवार, क्षत्रिय समाजाचे राजेश मकवाने, धनगर समाजाचे भीमराव धनगर, परीट समाजाचे कन्हैया रायपुरकर, सुतार समाजाचे मधुकर शिरसाठ, मातंग समाजाचे एकनाथ चित्ते, पत्रकार धर्मराज मोरे, विनोद रोकडे, सुधाकर मोरे, अविनाश बाविस्कर, पी डी पाटील, राजेंद्र वाघ, यासंह उबाठा सेनेचे गुलाबराव वाघ, जयदीप पाटील, भागवत चौधरी, काँग्रेसचे व्ही.डी.पाटील, बंटी पवार, रामचंद्र माळी, राष्ट्रवादी काँग्रेस शरदचंद्र पवार पक्षाचे धनराज माळी, विशाल देवकर, लक्ष्मण पाटील, राष्ट्रवादी काँग्रेस अजित पवार गटाचे ज्ञानेश्वर महाजन, शिवसेनेचे पप्पू भावे, विलास महाजन, बुट्या पाटील, भाजपचे संजय महाजन, दिलीप महाजन, चंदन पाटील आदींसह शहरातील सर्व समाज अध्यक्ष, पंचमंडळ, राजकीय पक्ष, सामाजिक व वैचारिक संघटनांचे प्रतिनिधी आदींनी धरणगावकरांकडून सदरील घटनेचा तीव्र शब्दांत निषेध नोंदविला.
