उपमुख्यमंत्री देवेंद्र फडणवीस नेमके कोणाला उद्देशून बोलले पोपट ?

Jalgaon Today : राज्याचे उपमुख्यमंत्री देवेंद्र फडणवीस हे सोलापूर दौऱ्यावर होते. अकलूजमध्ये पार पडलेल्या सभेत त्यांनी विरोधकांवर यावेळी जोरदार हल्लाबोल केला. माझ्याशी विश्वासघात केल्यानंतर ईश्वर त्याचा सत्यानाश केल्याशिवाय सोडत नाही, असे बोलून त्यांनी माजी उपमुख्यमंत्री विजयसिंह मोहिते पाटील, शरद पवार गटाचे उमेदवार धैर्यशील मोहिते पाटील यांच्यासह उत्तम जानकर यांच्यावर टीका केली. तसेच उत्तम जानकरांचा पोपट असा उल्लेख त्यांनी जाहीर सभेत केला. (Devendra Fadnavis)

”आता तुमच्याकडचे काही पोपट बोलायला लागलेत. ज्यांना आम्ही मोठे केले होते, ते अजितदादांवर बोलतात तसेच भाजपवर टीका करतात. रातोरात त्यांना आता राष्ट्रीय नेते झाल्यासारखे वाटू लागले आहे. त्यांना मोठे करण्यात माळशिरसच्या जनतेचा मोठा वाटा राहिला आहे. जनतेला वाटले होते, की ते संघर्ष करतील. पण त्यांनी विरोधकांशी समझोता केला. आता जनता त्यांच्या पाठीशी राहणार नाही”, अशी जोरदार टीका फडणवीसांनी (Devendra Fadnavis) जानकरांवर केली.

”जे शरद पवारांना कधी जमले नाही ते निंबाळकरांनी पाच वर्षांत करून दाखवले. याचाच राग पवारांना आहे. आता जर पुन्हा रणजीत नाईक निंबाळकर निवडून आले तर त्यांची सर्व दुकानदारी बंद होईल, याचीही भीती पवार व मोहिते पाटलांना आहे”, असा टोलाही देवेंद्र फडणीस यांनी लगावला. ”आता खऱ्या अर्थाने परतफेड करण्याची वेळ आली होती. त्यावेळी त्यांनी पुन्हा पवारांचा हात पकडला. मला आता त्याची चिंता नाही. मला विश्वास आहे, की जनतेच्या मानत पंतप्रधान मोदी आहेत. त्यामुळे कोणी कितीही विश्वासघात केला, तरी जनता विकासकामाला जागून खासदार रणजीतसिंह नाईक निंबाळकरांना निवडून देणार”, असे देखील फडणवीस यांनी आपल्या भाषणात बोलून दाखवले.