Crime News : बायकोने मोदी आणि योगींचे कौतूक केले; संतापलेल्या नवऱ्याने रागात थेट ‘ट्रीपल तलाक’ दिला !
Crime News : उत्तर प्रदेशातील अयोध्येमध्ये एक धक्कादायक घटना समोर आली आहे, ज्यात एका पतीने केवळ आपल्या बायकोने पंतप्रधान नरेंद्र मोदी आणि मुख्यमंत्री योगी आदित्यनाथ यांच्या कामाचे कौतुक केल्यामुळे तिला तात्काळ तीन तलाक दिला. महिला हक्कांसाठी लढणाऱ्या संघटनांनी या घटनेचा तीव्र निषेध केला आहे आणि पीडित महिलेच्या समर्थनार्थ आवाज उठवला आहे. उत्तर प्रदेश पोलिसांनी या प्रकरणाची नोंद घेतली असून गुन्हा दाखल करून पुढील तपास सुरू केला आहे.
Crime News : Wife praises Modi and Yogi; The angry husband directly gave ‘triple talaq’ in anger!
उत्तर प्रदेशातील अयोध्या शहरात अर्शद नावाच्या व्यक्तीने आपल्या पत्नीला मरियमला, केवळ तिचे राजकीय मत वेगळे असल्यामुळे तीन तलाक देऊन घटस्फोट दिला आहे. ही घटना केवळ घटस्फोटापुरती मर्यादित नसून, त्यामध्ये महिलेवर शारीरिक हिंसाही करण्यात आली आहे. माहितीनुसार, मरियमने पंतप्रधान नरेंद्र मोदी आणि मुख्यमंत्री योगी आदित्यनाथ यांच्या कार्याचे कौतुक केले होते. तिच्या मते, या नेत्यांनी शहराच्या विकासासाठी महत्वपूर्ण कामगिरी बजावली आहे. परंतु, तिचे हे विधान अर्शदला मान्य झाले नाही. या कौतुकामुळे संतापलेल्या अर्शदने आपल्या पत्नीला मारहाण केली आणि तिला तात्काळ तीन तलाक देऊन घरातून बाहेर काढले. एवढ्यावरच तो थांबला नाही, तर तिच्या अंगावर गरम मसूर डाळ फेकून तिला शारीरिक दुखापतही केली.
या घटनेने समाजात संतापाची लाट उसळली आहे. महिलांच्या सुरक्षेचा आणि हक्कांचा प्रश्न पुन्हा एकदा ऐरणीवर आला आहे. तीन तलाकला कायद्याने प्रतिबंधित असताना, असे प्रकार घडणे अत्यंत चिंताजनक आहे. मरियमने या घटनेबाबत पोलिसांत तक्रार दाखल केली असून, तिच्या तक्रारीनुसार अर्शदने तिच्यावर शारीरिक अत्याचार केले आहेत आणि हा प्रकार पंतप्रधान मोदी आणि मुख्यमंत्री योगी आदित्यनाथ यांच्या समर्थनासाठी केलेल्या विधानामुळे घडला आहे. उत्तर प्रदेश पोलिसांनी या प्रकरणाची गंभीर दखल घेतली असून, आरोपी अर्शदवर कठोर कारवाईचे आश्वासन दिले आहे. या घटनेमुळे महिलांच्या अधिकारांसाठी लढणाऱ्या संघटनांनी आपल्या आक्रमक भावना व्यक्त केल्या आहेत. दरम्यान, मरियमने केलेल्या तक्रारीच्या आधारे हल्ला तसेच शिवीगाळ, धमकी आणि हुंडा बंदी कायदा, मुस्लिम महिला (विवाह हक्क संरक्षण) कायद्यान्वये अर्शदसह कुटुंबातील आठ जणांवर गुन्हा दाखल करण्यात आला. मात्र, काही नातेवाईकांनी मध्यस्थी केल्यानंतर मरियम आता पुन्हा तिच्या पतीसोबत नांदण्यासाठी परत गेली आहे.
