Crime News : पुण्यातील कोरेगाव पार्क परिसरात १६ वर्षीय मुलीवर ओळखीच्या ४ जणांनी केला सामूहिक बलात्कार !

Crime News : राज्यात अत्याचाराचा घटना उघडकीस येण्याचे प्रमाण अलिकडे वाढले आहे. पुण्यातील कोरेगाव पार्क परिसरातही एका १६ वर्षीय मुलीवर तिच्याच ओळखीच्या ४ जणांनी सामूहिक बलात्कार केल्याचा खळबळजनक प्रकार उघडकीस आला आहे. याप्रकरणी पीडितेने दोन सज्ञान आणि दोन अल्पवयीन आरोपींच्या विरोधात कोरेगाव पार्क पोलिस ठाण्यात तक्रार दाखल केली आहे. त्यानुसार सर्व संशयितांवर गुन्हा दाखल झाला आहे.

Crime News: A 16-year-old girl was gang-raped by 4 acquaintances in Pune’s Koregaon Park area!

स्वप्निल गाडेकर (वय २० ) आणि ओम घोलप (वय २०, रा. धनकवडी , पुणे ) अशी कोरेगाव पोलिस ठाण्यात गुन्हा दाखल करण्यात आलेल्या आरोपींची नावे आहेत. तसेच १६ वर्षांच्या दोन बालकांवरही गुन्हा दाखल करण्यात आला आहे. एप्रिल २०२४ ते १२ सप्टेंबरच्या कालावधीत आरोपी स्वप्निल गाडेकर, ओम घोलप आणि २ अल्पवयीन मुलांनी मुलीसोबत जबरदस्तीने शारीरिक संबंध ठेवले. पैकी स्वप्निल गाडेकर, ओम घोलप, एक अल्पवयीन आरोपी यांनी घटनेचे व्हिडिओ काढून तसेच दुसऱ्या अल्पवयीन मुलाने पीडित मुलीचे अर्धनग्न फोटो तसेच व्हिडिओ व्हायरल करण्याची धमकी देत तिच्याशी वारंवार वेगवेगळ्या ठिकाणी अत्याचार केले. दरम्यान, मुलीचे अश्लील व्हिडिओ सोशल मीडियावर व्हायरल झाल्यामुळे अनोळख्या लोकांनी तिला मेसेज करून शारीरिक सुखाची मागणी केली, अशी माहिती पोलिसांनी दिली आहे. याप्रकरणी पोलिस पुढील तपास करत आहेत.