Crime News : भुसावळ तालुक्यातील १५ वर्षीय मुलीवर वाढदिवसाच्या पार्टीत दारू पाजून दोघांनी केला अत्याचार !

Crime News : वाढदिवस साजरा करण्याच्या बहाण्याने मित्र-मैत्रीणींनी दहावीतील मुलीला जबरदस्तीने दारू पाजली. मुलगी नशेत असताना नंतर दोघांनी तिच्यावर अत्याचार करून ब्लॅकमेल केले. ही घटना अकोल्यातील जुन्या शहरात घडली असून, या प्रकरणी पोलिसांनी चौघांविरुद्ध गुन्हा दाखल केला आहे. पोलिसांनी पायल हीस अटक केली असून तिचे तिघे मित्र फरार झाले आहेत. पोलिस त्यांचा शोध घेत आहेत.

Crime News: A 15-year-old girl from Bhusawal taluka was assaulted by two people after drinking alcohol at her birthday party!

भुसावळ तालुक्यातील मूळ रहिवासी असलेली मुलगी चुलत मावशीकडे अकोल्यात शिकायला आली होती. दरम्यान, तिच्या मानलेल्या मावशीच्या मुलीने किरण इंगळे ही तिची मामी आहे, असे सांगून तिच्यासोबत ओळख करून दिली होती. त्यामुळे पीडित मुलीचे तिच्या घरी येणे जाणे वाढले होते. पुढे जाऊन किरण इंगळे हिचा पती लल्ला इंगळे याने पीडितेची ओळख बंटी सटवाले याच्यासोबत करून दिली. नंतर बंटीने तिची ओळख त्याची प्रेयसी पायलसोबत करून दिली. या तिघांनी तिला विश्वासात घेतले व “गिरीश नावाच्या माणसाला तू बोल, आपण त्यांच्याकडून पैसे काढू,’ असे म्हणून पायलने तिच्या फोनवरून गिरीश याच्यासोबत बोलायला लावले.

९ सप्टेंबर रोजी पीडितेचा वाढदिवस होता. मात्र, लल्ला इंगळे याने तुझा वाढदिवस माझ्या घरी साजरा करू, असे सांगून तिला त्याच्या घरी बोलावले. त्यामुळे ती लल्ला इंगळे याच्या घरी गेली होती. प्रत्यक्षात त्यांनी तिला वाढदिवस करण्यासाठी दुसऱ्या मामीच्या घरी विमलाबाईचा वाडा हरिहर पेठ येथे नेले आणि रात्री बारानंतर वाढदिवस केला. दरम्यान, लल्ला व बंटी हे दारू पिले व त्यांनी पीडितेला जबरदस्तीने सॉफ्ट ड्रिंक म्हणून बिअर पाजली. मुलगी नशेत असतानाच बंटी व लल्लाने तिच्या अत्याचार केला.