Crime News : बदलापुरातच पित्याकडून १६ वर्षीय पोटच्या मुलीवर बलात्कार; आईनेच केली पोलिसात तक्रार…!

Crime News : बदलापूरमधील दोन चिमुकलींवरील अत्याचाराची घटना ताजी असतानाच, त्या शहरात पुन्हा एकदा संतापजनक प्रकार उघडकीस आली आहे. स्थानिक पोलिसांनी एका ५५ वर्षीय व्यक्तीला त्याच्या १६ वर्षीय मुलीवर अनेक वेळा बलात्कार केल्याच्या आरोपाखाली अटक केली आहे. या धक्कादायक घटनेने परिसरात खळबळ माजवली आहे. पीडितेच्या आईने तक्रार केल्यानंतर पोलिसांनी नराधम बापाला गुन्हा दाखल करून ताब्यात सुद्धा घेतले आहे.

Crime News : Rape of 16-year-old girl by father in Badlapur; It was the mother who complained to the police…!

पोलिसांच्या प्राथमिक तपासानुसार आरोपीने आपल्या मुलीला तिच्या आईच्या अनुपस्थितीत लक्ष्य केले. मुलीची आई कामासाठी रात्रीच्या शिफ्टमध्ये जात असताना आरोपीने या संधीचा गैरफायदा घेतला. या अमानवी कृत्यामुळे पीडित मुलीच्या मानसिकतेवर गंभीर परिणाम झाला आहे. सुदैवाने पीडित मुलीने धाडस करून शेजाऱ्यांना आपल्यावर झालेल्या अत्याचारांची माहिती दिली. शेजाऱ्यांनी तत्काळ पोलिसांना कळवले आणि पोलिसांनी लगेच कारवाई करत आरोपीला अटक केली.

आरोपीने बलात्काराबद्दल कोणाला काही न सांगण्याची दिली होती धमकी

या प्रकरणात नवीन धक्कादायक माहिती समोर आली आहे. पोलिसांनी दिलेल्या माहितीनुसार, आरोपी पित्याने आपल्या मुलीला बलात्काराबद्दल कोणाला काही सांगू नये, अशी धमकी दिली होती. त्याचबरोबर मुलीला मारहाण करून तिच्यावर जबरदस्ती केली होती. या अमानवीय कृत्यांमुळे मुलीला शारीरिक आणि मानसिक त्रास झाला. या सर्व अत्याचारांनंतर मुलगी अखेर २२ ऑगस्ट रोजी घरातून पळून गेली. या घटनेने तिच्या कुटुंबीयांमध्ये आणि शेजाऱ्यांमध्ये तणाव निर्माण झाला होता. काही दिवसांनी ती मुलगी घरी परतली, तेव्हा तिने आपल्या आईला या सर्व घटनांची माहिती दिली. आईने मुलीची व्यथा ऐकून तत्काळ पोलिसांत धाव घेतली आणि तक्रार दाखल केली.

पोलिसांनी आरोपीवर पोक्सो कायद्यांतर्गत दाखल केला गुन्हा

सोमवारी दाखल झालेल्या तक्रारीच्या आधारे बदलापूर पोलिसांनी आरोपी पित्याला तात्काळ अटक केली. आरोपीवर लैंगिक गुन्ह्यांपासून संरक्षण करणाऱ्या पोक्सो (POCSO) कायद्याच्या संबंधित कलमांनुसार गुन्हा दाखल करण्यात आला आहे. पोलिसांनी या प्रकरणाची सखोल चौकशी सुरू केली आहे आणि मुलीच्या सुरक्षेसाठी योग्य त्या सर्व उपाययोजना केल्या आहेत. या घटनेने स्थानिकांमध्ये संतापाची लाट उसळली आहे. समाजातील अशा विकृत मानसिकतेवर कठोर कारवाईची मागणी जोर धरत आहे.