Crime News : महिलेला जबरदस्ती दारू पाजून अश्लील कृत्य करणाऱ्या ज्योतिषाच्या विरोधात गुन्हा दाखल !

Crime News : गाझियाबादमध्ये एका ज्योतिषाने महिलेला फसवून कारमध्ये बोलावून जबरदस्तीने दारू पाजली आणि तिच्यावर अश्लील कृत्य केले, अशी धक्कादायक घटना उघडकीस आली आहे. या घटनेनंतर पीडित महिलेने घरी पोहोचताच तिच्या कुटुंबीयांना सर्व हकीकत सांगितली. या प्रकरणी पोलिसांनी संशयित ज्योतिष गगन आणि त्याच्या अज्ञात सहकाऱ्याविरुद्ध गुन्हा दाखल केला आहे.

Crime News: A case has been filed against the astrologer who forced a woman to drink alcohol and committed obscene acts!

कवी नगर पोलीस ठाण्याच्या हद्दीतील शास्त्रीनगर भागातील एका व्यक्तीने असा आरोप केला आहे की, त्याची पत्नी गगन नावाच्या ज्योतिषाच्या संपर्कात आली होती. या ज्योतिषाने तिच्यावर प्रभाव टाकत घरातील भ्रामक गोष्टी सांगून तिला चर्चेत अडकवले. २८ जुलै रोजी, पती-पत्नी एकत्र कार्यक्रमाच्या बैठकीला गेले होते. सायंकाळी साडेसहा वाजता कार्यक्रम संपल्यानंतर घरी परत येत असताना, पत्नीला ज्योतिषाचा फोन आला. त्याने महिलेला कामाच्या बहाण्याने गोविंदपुरम येथे भेटायला बोलावले. गोविंदपुरम येथे आल्यानंतर ज्योतिषाने महिलेला कारमध्ये बसवले आणि जबरदस्तीने दारू पाजून तिच्यासोबत अश्लील कृत्य केले, असे गंभीर आरोप सध्या त्याच्यावर आहेत. अडीच तासांनी ही महिला घरी परतल्यानंतर, तिने हा संपूर्ण प्रकार आपल्या पतीला सांगितला आणि खळबळ उडाली.

कुटुंबावरील संकट सोडविण्याच्या नावाखाली केली फसवणूक

पीडितेच्या पतीने दिलेल्या माहितीनुसार, पत्नीने ज्योतिषाच्या अश्लील कृत्याला विरोध केला असता त्याने तिला शिवीगाळ करून जीवे मारण्याची धमकी दिली. त्या ज्योतिषाने कुटुंबातील संकट सोडवण्याच्या नावाखाली त्यांच्या पत्नीची मोठ्या प्रमाणात फसवणूक केली आहे. घरावरील संकट दूर करण्यासाठी काही रक्कम ऑनलाइन तर बहुतांश रक्कम कॅशने घेतली होती. या घटनेबाबत पीडित महिलेने कविनगर पोलिस ठाण्यात तक्रार दाखल करून न्यायाची मागणी केली आहे. एसीपी कविनगर अभिषेक श्रीवास्तव यांनी तपास सुरू असल्याचे सांगितले आहे.