Crime News : दादर रेल्वे स्थानकावर नंदीग्राम एक्सप्रेसच्या स्वच्छतागृहात एका व्यक्तीने संपविले जीवन !

Crime News : दादर रेल्वे स्थानकावर नंदीग्राम एक्सप्रेसच्या स्वच्छतागृहात एका व्यक्तीने मफलरच्या साह्याने गळफास घेऊन स्वतःला संपविल्याची धक्कादायक घटना समोर आली आहे. मृत व्यक्ती घाटकोपर परिसरातील रहिवासी असल्याची माहिती मिळाली आहे. प्राथमिक तपासात पोलिसांनी मानसिक तणावातून आत्महत्येची शक्यता वर्तवली आहे. या घटनेने खळबळ उडाली असून, पोलिसांनी घटनास्थळी दाखल होत मृतदेह ताब्यात घेतला आहे. पुढील तपास सुरू आहे.

Crime News: A person ended his life in the toilet of Nandigram Express at Dadar railway station!

दादर रेल्वे स्थानकावर नुकत्याच घडलेल्या दोन धक्कादायक घटनांनी नागरिकांमध्ये भीतीचे वातावरण निर्माण केले आहे. काही दिवसांपूर्वी तुतारी एक्सप्रेसमध्ये एका बॅगेत मृतदेह सापडल्याने खळबळ उडाली होती. त्यानंतर आता नंदीग्राम एक्सप्रेसच्या स्वच्छतागृहात एका व्यक्तीने मफलरच्या साह्याने गळफास घेऊन आत्महत्या केल्याची घटना समोर आली आहे. नंदीग्राम एक्सप्रेसचा काही काळासाठी त्यामुळे खोळंबा झाला. या घटनेबाबत माहिती मिळताच पोलीस घटनास्थळी दाखल झाले. पोलिसांनी मृतदेह ताब्यात घेतला असून शवविच्छेदनासाठी रुग्णालयात पाठवला आहे.

मृत व्यक्तीवर काही दिवसांपूर्वी दाखल झाला होता छेडछाडीचा गुन्हा

सदर व्यक्तीने तणावातून आत्महत्या केली असावी असा पोलिसांचा प्राथमिक अंदाज आहे. त्याच्यावर काही दिवसांपूर्वी छेडछाडीचा गुन्हा दाखल करण्यात आला होता, ज्यामुळे तो मानसिक तणावात होता अशी माहिती मिळाली आहे. घटनास्थळावर कोणतीही सुसाईड नोट सापडली नसल्याने या प्रकरणी पोलिस अधिक तपास करत आहेत. सतत घडणाऱ्या या घटनांनी रेल्वे स्थानकावर सुरक्षा आणि मानसिक आरोग्याच्या मुद्द्यांवर गंभीर विचार करण्याची गरज अधोरेखित केली आहे.