Crime News : नातवाने आजोबांचा खून करून मृतदेह नदीत फेकला, आजी देखील झाली बेपत्ता !
Crime News : वाशीम जिल्ह्यात एक धक्कादायक घटना उघडकीस आली आहे. संपत्तीवर ताबा मिळवण्यासाठी नातवाने आजोबांना संपवण्याची योजना आखली त्यानंतर, त्यांच्या मृतदेहाची विल्हेवाट लावण्यासाठी तो नदीत फेकण्यात आला. विशेष म्हणजे या प्रकरणात आजी देखील बेपत्ता झाली आहे. पोलिसांनी या घटनेत तातडीने कारवाई करत आरोपी नातवासह चार जणांना अटक केली आहे. या भयंकर घटनेमुळे समाजात संतापाची लाट उसळली आहे आणि आरोपींवर कठोर कायदेशीर कारवाईची मागणी करण्यात येत आहे.
Crime News: Grandson killed his grandfather and threw his body in the river, grandmother also went missing!
मानोरा तालुक्यातील इंझोरी या गावात एक भयंकर आणि खळबळजनक घटना घडली आहे. अडाण धरणात एका ७० वर्षीय इसमाचा मृतदेह तरंगताना आढळून आल्याने परिसरात खळबळ माजली. या मृतदेहावर अनेक जखमा होत्या आणि त्याचे पाय देखील बांधलेले होते, ज्यामुळे हा मृत्यू नैसर्गिक नसून घातपाताचा असल्याचा संशय व्यक्त करण्यात येत होता.
घटनेची माहिती मिळताच पोलिसांनी तातडीने घटनास्थळी धाव घेतली आणि मृतदेहाची ओळख पटविण्याचे काम सुरू केले. तेव्हा मृत व्यक्तीचे नावे प्रल्हाद वीर असल्याचे स्पष्ट झाले.
नातवाने आजोबांच्या हत्येनंतर आजीला सुद्धा संपविल्याचा पोलिसांना संशय
पोलिसांनी प्रल्हाद वीर यांच्या घराची तपासणी केली असता, घरात रक्ताचे डाग आढळून आले, ज्यामुळे या प्रकरणात आणखी गंभीर संशय निर्माण झाला. तसेच, प्रल्हाद वीर यांची पत्नी देखील बेपत्ता असल्याचे निष्पन्न झाले. या सर्व गोष्टींनी तपासाला वेग आला असून, पोलिसांनी या प्रकरणातील घातपाताच्या शक्यतेची चौकशी सुरू केली आहे. प्रल्हाद वीर यांच्या मृत्यूमागील नेमके कारण शोधण्यासाठी आणि त्यांच्या पत्नीचा शोध घेण्यासाठी पोलीस विविध दिशांनी तपास करत आहेत. पोलिसांनी या प्रकरणाच्या तपासात सीसीटीव्ही फुटेजचा वापर करून अधिक खोलात जाऊन तपास केला. यामध्ये उघड झाल्याप्रमाणे, प्रल्हाद वीर यांची हत्या त्यांच्या स्वतःच्या नातवाने, प्रतीक संतोष वीरने केली होती. या हत्येतील अन्य आरोपींमध्ये विकास भगत, जगदीश अनिल देवकर, आणि जीवन फडके यांचा समावेश आहे. या सर्वांनी मिळून प्रल्हाद वीर यांची हत्या संपत्तीच्या वादातून केली असल्याचे निष्पन्न झाले आहे. प्रल्हाद वीर यांच्या मृत्यूनंतर त्यांच्या पत्नी बेपत्ता असल्याचे आढळून आले आहे. त्यामुळे त्यांचीही हत्या झाल्याचा संशय पोलिसांनी व्यक्त केला आहे.
