Crime News : मित्राची हत्या करून मृतदेहाची बॅग घेऊन फिरणाऱ्या तरूणावर पोलिसांनी घातली झडप !

Crime News : पायधुनी येथे घडलेल्या खळबळजनक घटनेत मित्राची हत्या करून त्याचा मृतदेह असलेली बॅग घेऊन दादर रेल्वे स्थानकावर उभ्या असलेल्या तुतारी एक्स्प्रेसमध्ये चढण्याचा प्रयत्न मूकबधीर तरुण करत होता. त्यास राज्य रेल्वे पोलीस आणि रेल्वे सुरक्षा बलाच्या जवानांनी ताब्यात घेतले. या तरुणाच्या संशयास्पद हालचाली आणि बॅगेवरील रक्ताचे डाग पाहून पोलिसांनी तात्काळ तपासणी करण्याचे ठरवले. बॅग उघडून पाहिल्यावर त्यात त्याच्या मित्राचा मृतदेह आढळून आला आणि या भीषण घटनेचा उलगडा झाला.

Crime News : Police raided the young man who killed his friend and carried his dead body bag!

तुतारी एक्स्प्रेसमध्ये मृतदेह असलेली बॅग चढवून ती प्रवासादरम्यान संधी मिळताच खाली फेकून देण्याचा किंवा बॅग गाडीत सोडून मध्येच उतरण्याचा तरूणाचा विचार होता. या घटनेने रेल्वे स्थानकावर एकच खळबळ उडाली. पोलिसांनी तातडीने त्या तरुणाला अटक करून पुढील चौकशीसाठी ठाण्यात नेले. हत्येचे कारण अद्याप स्पष्ट झालेले नाही, परंतु पोलिस तपासात लवकरच या प्रकरणाचा खुलासा होईल अशी अपेक्षा आहे. पोलिस तपासाच्या दरम्यान त्या तरुणाचे नाव जय चावडा असल्याचे समजले, तर मृत व्यक्तीचे नाव अर्शद शेख असल्याचे निष्पन्न झाले. या घटनेने दादर स्थानकावर खळबळ उडाली असून, सुरक्षा दलांनी आपल्या सतर्कतेमुळे एक गंभीर गुन्हा उघडकीस आणला आहे. अंमलदार माधव केंद्रे आणि जवान संतोषकुमार यादव यांच्या तत्परतेमुळे या घटनेचा उलगडा झाला. मूकबधिरांची भाषा अवगत असलेल्या मध्यस्थाच्या मदतीने पोलीस आरोपी जय आणि त्याचा दुसरा मित्र शिवजित यांची चौकशी करत आहेत. विशेष म्हणजे आरोपी जय तसेच अर्शद आणि शिवजित सिंग हे मित्र असून तिघेही मूकबधिर आहेत.

पोलिसांनी बॅग उघडून पाहिली आणि त्यात रक्ताने माखलेला मृतदेह आढळला

दादर रेल्वे स्थानकावर एक धक्कादायक घटना उघडकीस आली. फलाट क्रमांक ११ वर उभी असलेल्या तुतारी एक्स्प्रेसमध्ये एक तरुण मोठी बॅग चढवण्याचा प्रयत्न करत होता. राज्य रेल्वे पोलिस दलाचे अंमलदार माधव केंद्रे आणि रेल्वे सुरक्षा बलाचे जवान संतोषकुमार यादव यांना त्या तरुणाच्या हालचाली संशयास्पद वाटल्या. त्यामुळे त्यांनी त्या तरुणाच्या जवळ जाऊन पाहिले असता बॅगेवर रक्ताचे डाग आढळले. पोलिसांनी बॅग उघडण्यास सांगितले, तेव्हा त्या तरुणाने नकार दिला. त्यामुळे पोलिसांनी स्वतःच ती बॅग उघडून पाहिली आणि त्यात रक्ताने माखलेला मृतदेह आढळला. हा प्रकार पाहून पोलिसांनी तातडीने त्या तरुणाला ताब्यात घेतले.