Crime News : यशश्री शिंदे हत्याकांड; आरोपी दाऊद शेख याच्याकडे एक नाही तर दोन चाकू होते !

Crime News : उरणची तरुणी यशश्री शिंदे हिची निर्घृण हत्या करणारा मुख्य आरोपी दाऊद शेख याच्या अटकेनंतर गेल्या चार दिवसांत त्याच्या जबाबातून अनेक धक्कादायक खुलासे समोर येत आहेत. यशश्रीच्या हत्येच्या दिवशी दाऊदने तिला भेटण्यासाठी बोलावले असता त्याच्याजवळ एक नाही तर दोन चाकू होते, अशी माहिती पोलिसांना मिळाली आहे. दाऊद शेखच्या जबाबानुसार, तो यशश्रीच्या नकाराने चिडला होता. त्याचे इरादे आधीच ठरलेले होते. यामुळे पोलिसांनी याला पूर्वनियोजित हत्या मानून तपास सुरू केला आहे.

Crime News : Yashshree Shinde Murder; Accused Dawood Sheikh had not one but two knives!

या प्रकरणात न्यायालयीन प्रक्रिया आणि तपासाच्या पुढील घडामोडींवर सर्वांचे लक्ष लागले आहे. पोलिसांनी साक्षीदारांचे जबाब नोंदवून, पुरावे गोळा करून न्यायालयात सादर केले आहेत. हत्येच्या या घटनेमुळे समाजात एकच खळबळ उडाली आहे, आणि अनेकांनी आरोपीवर कठोर कारवाईची मागणी केली आहे. जुईनगर रेल्वे स्थानकाजवळ दाऊद शेख आणि यशश्रीची भेट झाली. या भेटीच्या आधीही आरोपीने यशश्रीला अनेक वेळा फोन करून भेटायला बोलावले होते. मात्र, यशश्री त्याला भेटण्यास तयार नव्हती. दाऊदने यशश्रीला भेटण्यासाठी दबाव टाकण्यासाठी आणि तिला धमकावण्यासाठी तिचे काही खाजगी फोटो त्याच्या फेसबुकवर अपलोड केले होते. फोटो पाहिल्यानंतर यशश्रीने परिस्थितीचे गांभीर्य ओळखून पुन्हा त्याला भेटायला होकार दिला.

दोघांमध्ये वादावादी झाली आणि यशश्रीने आपल्या मित्राला मदतीसाठी बोलावले

दाऊद शेखच्या म्हणण्यानुसार, यशश्रीने भेटल्यानंतर त्याला तातडीने फेसबुकवर अपलोड केलेले फोटो डिलीट करण्यास सांगितले, त्यानेही तसे केले. या वेळी दोघांमध्ये वादावादी झाली आणि यशश्रीने आपल्या मित्राला मदतीसाठी बोलावून आपण अडचणीत असल्याचे सांगितले. दोघांमध्ये झालेल्या बाचाबाचीमुळे परिस्थिती अधिक तणावग्रस्त झाली. यशश्रीच्या फोनवरून बोलावलेल्या मित्राने तातडीने पोहोचण्याचा प्रयत्न केला. मात्र, या दरम्यानच आरोपी दाऊद शेखने यशश्रीवर हल्ला केला. त्याने आपले गुन्हेगारी हेतू लपवण्यासाठी फोटो डिलीट केले असले तरी त्याचा राग आणि संताप काबूत ठेवू शकला नाही.

हत्येचे नेमके कारण अद्याप उघड झालेले नाही

दरम्यान, यशश्री शिंदे हत्याकांडातील तपास अधिकारी अप्पर पोलीस आयुक्त (गुन्हे) दीपक साकोरे यांनी प्रसारमाध्यमांशी बोलताना सांगितले की, अद्याप हत्येचे नेमके कारण उघड झालेले नाही. यशश्री शिंदेच्या हत्येचा नेमका उद्देश शोधण्यासाठी पोलिस तपास विविध कोनांतून सुरू आहे. दाऊदने दिलेल्या माहितीच्या आधारे तपास अधिक सखोलपणे केल्या जात आहे.