Crime News : गर्ल्स हॉस्टेलमध्ये तरूणीची निर्घृण हत्या; गळ्यावर, पोटावर तरूणाने केले सपासप वार !

Crime News : बंगळुरूत पेईंग गेस्ट म्हणून राहणाऱ्या एका तरुणीची निर्घृण हत्या करण्यात आली आहे. या घटनेचे सीसीटीव्ही फुटेज समोर आले असून, आरोपीने तरुणीच्या गळ्यावर आणि पोटावर सपासप वार केलेले दिसत आहे. पोलिसांनी हे सीसीटीव्ही फुटेज ताब्यात घेऊन आरोपीचा शोध घेण्यास सुरूवात केली आहे. या घटनेमुळे सर्वत्र हळहळ व्यक्त होत आहे आणि लोकांमध्ये संतापाची भावना निर्माण झाली आहे. आरोपीवर कडक कायदेशीर कारवाई करण्यात यावी, अशी मागणी होत आहे.

Crime News : Brutal murder of young girl in girls hostel; The young man stabbed him on the neck and stomach!
बंगळुरूतील या हत्याकांडाचा व्हिडिओ सध्या सोशल मीडियावर चांगलाच व्हायरल झाला आहे. या व्हिडिओमध्ये एक तरुण प्लास्टिकची पिशवी घेऊन मृत तरुणीच्या घरी जाताना दिसतो. व्हिडिओत तरुणीचं घर स्पष्टपणे दिसत नसले तरी तरुण दरवाजापाशी पोहोचताच तरुणी दरवाजा उघडते. दरवाजा उघडल्यावर दोघांमध्ये शाब्दिक चकमक होते आणि अंगाचा थरकाप उडविणारी घटना घडते. कृती कुमारी असे त्या तरूणीचे नाव आहे.

ही संपूर्ण घटना दरवाजाजवळ घडल्यामुळे सीसीटीव्हीत काहीही स्पष्ट दिसत नाही. मात्र, काही सेकंदानंतर एक तरुण मुलगी केसांनी फरफटत बाहेर ओढतो. त्यावेळी आरोपीच्या हातात चाकू दिसतो. तो चाकू वापरून आरोपी त्या मुलीवर हल्ला करण्याचा प्रयत्न करतो. दोघांमध्ये झटापट होते. या झटापटीनंतर आरोपी मुलीच्या गळ्यावर आणि पोटात वार करून तिला ठार मारण्याचा प्रयत्न करतो. या प्रकरणी बंगळुरु पोलिसांनी मुख्य संशयित आरोपी अभिषेकला भोपाळमधून अटक केली आहे. कृती कुमारीची हत्या करून आरोपी भोपाळला पळून गेला होता. अभिषेकची प्रेयसी कृती कुमारीच्या सांगण्यावरून पीजीमध्ये राहायला गेली, अशी माहिती मिळाली आहे. कृती कुमारीमुळेच आपले नात तुटल्याच्या संशय अभिषेकला होता. याच रागातून अभिषेकने कृती कुमारीची हत्या केली असावी, असा पोलिसांना संशय आहे.