Crime News : एरंडोलची दुचाकी लांबवणारी टोळी आठ दुचाकींसह जळगाव शहर पोलिसांच्या जाळ्यात

Crime News : अल्पवयीन मुलांच्या मदतीने जळगाव शहरातील दुचाकी चोरणाऱ्या एरंडोलच्या टोळीला शहर पोलिस ठाण्यातील गुन्हे शोध पथकाने अखेर गजाआड केले आहे. पोलिसांनी त्यांच्याकडून चोरीच्या आठ दुचाकी हस्तगत केल्या असून, त्यांच्याविरुद्ध गुन्हा सुद्धा दाखल झाला आहे.

Crime News: Erandol’s bike-riding gang with eight bikes in Jalgaon city police’s net

जळगावचे पोलिस अधीक्षक डॉ.महेश्र्वर रेड्डी, उपअधीक्षक संदीप गावित यांच्या सूचनेवरून शहर पोलिस ठाण्याचे निरीक्षक अनिल भवारी यांच्यासह गुन्हे शोध पथकातील अमोल ठाकूर, भास्कर ठाकरे, सुधीर साळवे व योगेश पाटील यांना एक तरुण संशयास्पद दुचाकी घेऊन जाताना आढळून आला होता. त्याला ताब्यात घेऊन पोलिस पथकाने त्याची कसून चौकशी केली. तेव्हा त्याने पहिल्यांदा उडवाउडवीची उत्तरे दिली. मात्र, पोलिसांना आपल्या पद्धतीने त्याला विचारणा केल्यानंतर त्याने आपल्या अन्य साथीदारांची नावे सांगितली. पोलिस पथकाने शुभम भगवान चौधरी (वय २५), मोईन मुक्तार मणियार (वय १८), ओम सुरेश हटकर (वय १८, तिघे रा. रिंगणगाव, ता. एरंडोल) यांना ताब्यात घेतले आहे.दरम्यान, तिघा संशयितांनी शहरातील विविध भागांमधून दुचाकी चोरी केल्याची कबुली दिली असून, चोरी केलेल्या आठ दुचाकी काढून देखील दिल्या आहेत.