Chalisgaon News : प्रतिभाताई चव्हाणांच्या धडाडीचे सर्वत्र कौतुक; चाळीसगाव तालुक्यात मंगेशदादांच्या प्रचारासाठी एकवटली नारीशक्ती…!
Chalisgaon News : भाजपा व मित्र पक्ष महायुतीचे चाळीसगावमधील उमेदवार आमदार मंगेशदादा चव्हाण यांनी आधीच प्रचारात आघाडी घेतली आहे. ते उमेदवार असले तरी मतदारसंघात त्यांच्या पत्नी सौ.प्रतिभाताई चव्हाण या देखील प्रचारात मागे राहिलेल्या नाहीत. प्रतिभाताईंच्या प्रचाराची तालुक्यातच नव्हे तर जिल्हाभरात जोरदार चर्चा सुरू असल्याचे दिसून येत आहे. आतापर्यंत त्यांनी जवळपास शहरी भागाबरोबरच संपूर्ण ग्रामीण भाग अक्षरशः पिंजून काढला आहे.
Chalisgaon News : Pratibhatai Chavan’s bravery is appreciated everywhere; Women’s power united for Mangeshdad’s campaign…!
भारतीय जनता पक्षाचे पदाधिकारी व कार्यकर्ते यांना सोबत घेत चाळीसगाव शहर व तालुक्यातील विविध प्रभागात घरोघरी जाऊन महिला व पुरुष मतदारांशी संवाद साधण्याचे काम प्रतिभाताई चव्हाण सध्या धडाडीने करत आहेत. अर्थातच, त्यांच्या रूपाने विधानसभेचे उमेदवार मंगेशदादा चव्हाण हे स्वतः आपल्या दारी आल्याप्रमाणे त्यांचे सर्व थरातील मतदारांमधून उत्स्फूर्त स्वागत देखील केले जात आहे. पंतप्रधान नरेंद्र मोदी यांच्या नेतृत्वाखाली देशाच्या कल्याणासाठी राबविण्यात आलेल्या योजनांची माहिती देतानाच, चाळीसगाव शहराच्या व तालुक्याच्या विकासासाठी केंद्र व राज्य सरकारकडून प्राप्त झालेल्या निधीतून मार्गी लागलेल्या तसेच प्रगतीपथावर असलेल्या कामांची माहिती त्या देत आहेत.
प्रतिभाताई चव्हाण यांनी केला असाही एक रेकॉर्ड
विधानसभा निवडणुकीत प्रत्येक उमेदवार आपापल्या पद्धतीने प्रचारात सक्रीय झाले आहेत.अशातच चाळीसगाव विधानसभा मतदारसंघातील महायुतीचे उमेदवार आमदार मंगेशदादा चव्हाण यांच्या पत्नी सौ.प्रतिभाताई मंगेश चव्हाण यांनी अर्ज दाखल करण्या अगोदरच पहिल्या टप्प्यात चाळीसगाव शहराचा प्रचार दौरा पुर्ण करुन दुसऱ्या टप्प्यात आता ग्रामीण भागात जि.प.गटानुसार प्रत्येक घरोघरी जाऊन दुसऱ्या टप्प्यात देखील प्रचार पुर्णत्वास नेत आहेत. अशा प्रकारे त्यांनी महिला पदाधिकारी व विविध आघाड्यांचे पदाधिकारी कार्यकर्ते यांच्या सोबतीने आ.मंगेश चव्हाण यांच्या प्रचाराची धुरा सांभाळली आहे. सगळीकडे इतर उमेदवारांनी दुसऱ्या टप्प्याचा प्रचार सुरू केला असतानाच सौ.प्रतिभाताईंनी मात्र प्रचार पुर्णत्वास नेत एकप्रकारे रेकॉर्ड स्थापन केले असून, चाळीसगाव तालुक्यासह संपूर्ण जिल्ह्यात प्रतिभाताईंच्या प्रचाराचे व धडाडीचे कौतुक होत आहे. यादरम्यान गावोगावी आणि घरोघरी महिला आणि तरुणींचा ताईंना भरभरून प्रतिसाद मिळत आहे. यावरुन दिसत आहे कि आमदार मंगेशदादा चव्हाण यांनी लाडक्या बहिणींसाठी जे कार्य केले आहे, त्याचीच ही फलश्रुती म्हणून सौ.प्रतिभाताईंजवळ भावनिक होऊन अनेक माता भगिनीं आपल्या भावना व्यक्त करताना दिसत आहेत. आमदार मंगेशदादा चव्हाण व प्रतिभाताईंना भरभरून आशीर्वाद देत आहेत. त्यांच्यासोबत महिला आघाडीचा मोठा व्यापक सहभाग प्रचारादरम्यान दिसून येत आहे. एक प्रकारे संपूर्ण तालुक्यात घरोघरी काम पोहोचवण्याचे काम प्रतिभाताई यांनी केले आहे.
