Breaking News : कजगाव रेल्वे स्थानकावरील कामांमुळे मंगळवारी दिवसभर मेमू गाड्या धावणार नाहीत..!

Breaking News : मध्य रेल्वेच्या भुसावळ विभागात कजगाव स्थानकावर तिसऱ्या रेल्वे मार्गाच्या कामांसाठी उद्या मंगळवारी ब्लॉक घेण्यात आला आहे. त्यामुळे इगतपुरी, देवळाली, बडनेरा मार्गावर धावणाऱ्या मेमू गाड्या रद्द करण्यात आल्या आहेत. तर सहा एक्सप्रेस गाड्या विविध स्थानकांवर थांबविल्या जाणार आहेत. त्यामुळे प्रवाशांनी प्रवासाला निघण्यापूर्वी माहिती घेऊनच घराबाहेर पळावे.

Breaking News : Due to work at Kajgaon railway station, MEMU trains will not run all day on Tuesday…!

कजगाव रेल्वे स्थानकावरील कामांमुळे ब्लॉक घेण्यात आल्याने मंगळवारी (ता.२७) इगतपुरी ते भुसावळ मेमू, भुसावळ ते इगतपुरी मेमू, देवळाली ते भुसावळ मेमू, भुसावळ ते देवळाली मेमू, नाशिक ते बडनेरा मेमू, बडनेरा ते नाशिक मेमू गाड्या रद्द करण्यात आल्या आहेत.

याशिवाय मंगळवारच्या ब्लॉकमुळे गोरखपूर-लोकमान्य टिळक टर्मिनस एक्सप्रेस एक तास, दिब्रुगढ-लोकमान्य टिळक टर्मिनस एक्सप्रेस ४५ मिनिटे, लोकमान्य टिळक टर्मिनस-गोरखपूर एक्सप्रेस १ तास ४५ मिनिटे, साईनगर शिर्डी-कालका एक्सप्रेस १ तास ४५ मिनिटे, लोकमान्य टिळक टर्मिनस-भागलपूर एक्सप्रेस १ तास, मुंबई-लखनऊ एक्सप्रेस ३० मिनिटे विविध स्थानकांवर थांबविण्यात येणार आहेत. त्यामुळे लांब पल्ल्याच्या गाड्यांमधून प्रवास करणाऱ्या प्रवाशांचे हाल होण्याची शक्यता आहे.