Breaking News : जळगावहून कल्याणला मुलीकडे जाणाऱ्या मुस्लीम व्यक्तीला गोमांस बाळगल्याच्या संशयावरून रेल्वेत मारहाण…!

Breaking News : जळगावहून कल्याणला मुलीकडे जाणाऱ्या मुस्लीम व्यक्तीला गोमांस बाळगल्याच्या संशयावरून रेल्वेतील सहप्रवाशांकडून मारहाण करण्यात आल्याचा खळबळजनक व्हिडीओ सोशल मीडियावर व्हायरल झाला आहे. या व्हिडिओमध्ये मुस्लीम व्यक्ती आपल्या हातामध्ये दोन प्लॅस्टिकच्या बरण्या घेऊन जाताना दिसत आहे. या बरण्यांमध्ये गोमांस असल्याचा आरोप काही सहप्रवाशांनी केला. त्यानंतर त्या व्यक्तीला मारहाण करण्यात आल्याचे या व्हिडिओमध्ये दिसून येत आहे. सदर व्हिडीओ व्हायरल झाल्यानंतर ‘एमआयएम’चे माजी खासदार इम्तियाज जलील यांनी एकूण प्रकारावर टीका केली आहे.

Breaking News : A Muslim man going from Jalgaon to Kalyan to meet a girl was beaten up in the train on suspicion of carrying beef…!

जळगाव येथील हाजी अश्रफ मणियार हे आपल्या मुलीला भेटण्यासाठी कल्याणला रेल्वेने प्रवास करत होते. प्रवासादरम्यान इगतपुरीजवळ त्यांच्यावर गोमांस बाळगल्याचा आरोप इतर प्रवाशांकडून करण्यात आला. त्यानंतर काही लोकांनी त्यांना शिवीगाळ करत मारहाण देखील केली. या घटनेचा व्हिडिओ सोशल मीडियावर व्हायरल झाल्यानंतर तीव्र प्रतिक्रिया उमटल्या आहेत. या प्रकरणातील दोषींवर कठोर कारवाई करण्याची मागणीही होत आहे. हा प्रकार महाराष्ट्रातील धार्मिक सलोख्याच्या दृष्टीने चिंतेची बाब मानली जात आहे आणि समाजातील विविध घटकांनी या हिंसक कृत्याचा निषेध केला आहे.

दरम्यान, ‘एमआयएम’ पक्षाचे प्रदेशाध्यक्ष माजी खासदार इम्तियाज जलील यांनी व्हिडिओ पोस्टच्या माध्यमातून रेल्वेतील मारहाणीच्या त्या घटनेवर कठोर टीका केली आहे. त्यांनी पोस्टमध्ये नमूद केले आहे की, “आता आपण फक्त मूक प्रेक्षक बनून राहू शकत नाही. या शक्तींना पराभूत करण्यासाठी सर्व धर्मनिरपेक्ष भारतीयांनी एकत्र येणे अत्यावश्यक आहे. या लोकांच्या मनात किती विष भरलेले आहे, याची कल्पना करता येत नाही. ते लोक आपल्या आजोबांच्या वयाच्या एखाद्या व्यक्तीशी असे वर्तन कसे काय करू शकतात, असाही प्रश्न इम्तियाज जलील यांनी उपस्थित केला आहे.