भाजपा युवा मोर्चा जळगाव महानगरतर्फे ‘नमो चषक 2024’चे बक्षीस वितरण उत्साहात
BJP Jalgaon : भाजपा युवा मोर्चा जळगाव महानगरतर्फे ‘नमो चषक 2024’चे नुकतेच आयोजन करण्यात आले होते. त्यात विजेत्या ठरलेल्या प्रथम, द्वितीय व तृतीय तसेच सर्व विजेत्या आणि सहभागी झालेल्या खेळाडुंना मान्यवरांच्या हस्ते रोख रक्कम तसेच चषक व प्रमाणपत्रांचे वितरण मान्यवरांच्या हस्ते करण्यात आले.
बक्षीस वितरण कार्यक्रमाला प्रमुख पाहुणे म्हणून जळगाव शहराचे लाडके आमदार सुरेश दामू भोळे उर्फ राजू मामा तसेच भारतीय जनता पार्टी जळगाव महानगराच्या अध्यक्षा सौ उज्वलाताई बेंडाळे, भारतीय जनता युवा मोर्चाचे जळगाव महानगर जिल्हाध्यक्ष महेशभाऊ पाटील तसेच भारतीय पार्टीचे क्रीडा अध्यक्ष अरुण भाऊ श्रीखंडे , भारतीय जनता युवा मोर्चाचे माजी अध्यक्ष आनंद भाऊ सपकाळे व भारतीय जनता पार्टीचे सर्व पदाधिकारी कार्यकर्ते उपस्थित होते.
संघटनेने मोठ्या मेहनतीने नमो चषक 2024 स्पर्धा यशस्वीरित्या पार पाडल्या होत्या. बक्षीस वितरण समारंभावेळी जळगाव शहराचे आमदार सुरेश उर्फ राजू मामा भोळे यांनी मनोगत व्यक्त करून विजेत्या स्पर्धकांना शुभेच्छा दिल्या. तसेच जे स्पर्धक किंवा जे विद्यार्थी या चषकामध्ये विजयी नाही होऊ शकले, त्यांनी सुद्धा कुठेही खचून न जाता अजून मेहनत करून सातत्य ठेवून पुढच्या स्पर्धांमध्ये आपला विजय कसा प्राप्त होईल, याकडे लक्ष केंद्रीत करावे, असे सांगितले. भारतीय जनता पार्टीचे सर्व पदाधिकारी, कार्यकर्ते व युवा मोर्चाच्या कार्यकर्त्यांनी कार्यक्रमाच्या यशस्वीतेसाठी परिश्रम घेऊन कार्यक्रम यशस्वीरित्या पार पाडला.
