विश्वसुंदरी ऐश्वर्या रायच्या फ्रॅक्चर झालेल्या हाताने वेधले सगळ्यांचे लक्ष !

जळगाव टुडे । कान्स फिल्म फेस्टिव्हल 2024 सुरू झाल्यानंतर विश्वसुंदरी ऐश्वर्या राय-बच्चन (Aishwarya ray) आणि तिची मुलगी आराध्या बच्चन ह्या दोघी त्यासाठी रवाना झाल्या. दरम्यान, ऐश्वर्याच्या हाताला मोठी दुखापत झाल्याचे उघडकीस आले. तिची ही अशी वाईट अवस्था पाहुन संपूर्ण बॅालिवूड इंडस्ट्री देखील हादरली. तशाही परिस्थितीत दोघी मायलेकी कान्स फेस्टिवलला जाताना दिसल्या. दरम्यान, ऐश्वर्या रायच्या फ्रॅक्चर झालेल्या हाताने सगळ्यांचेच लक्ष वेधले आहे.

ऐश्वर्या रायने कान्स फिल्म फेस्टिव्हलसाठी खास असा लूक केला होता. ब्लॅक अँड व्हाईट कलरचा ड्रेस त्यावर डोल्डन कलरची ज्वेलरी अन् गोल्डन इअरिंग्स अशा लूकमध्ये ऐश्वर्या फेस्टीवलमध्ये दिसली. यावेळी ऐश्वर्याचा हात फ्रॅक्चर झालेला अनेकांनी पाहिला. विशेष म्हणजे तिने तो लपविण्याचा कोणताच प्रयत्न केला नाही. अशातच आराध्या ही आईची काळजी घेत होती. त्यामुळे तिचेही सध्या कौतुक होत आहे. आईला आधार देत फिरणाऱ्या आराध्यावर अनेकांनी सोशल मीडियावर कौतुकाचा वर्षाव केला आहे.

अनेकजण सोशल मीडियावर आराध्याचे आईची काळजी घेतल्याबद्दल कौतुक करत आहेत. एका नेटकऱ्याने ऐश्वर्याचे कान्स फेस्टिव्हलमधील फोटो शेअर करुन कॅप्शनमध्ये लिहिले आहे की, “ऐश्वर्या जिथे जाते तिथे आराध्या तिला फॉलो आणि सपोर्ट करते.” दुसऱ्या युझरने ट्वीटमध्ये लिहिले आहे की, “आराध्या ही आतापर्यंतची सर्वात जास्त संस्कृती जपणारी स्टारकिड आहे. तिचे तिच्या आईवर बिनशर्त प्रेम आहे.”